Van Henk Scholte kreeg ik dit Gronings recept, dat ik ongewijzigd overneem.
Grunopudding n oergrunneger recept uut laankmanstied veur lu dij t nog aan tied hebben veur t koken. Veur dizze pudding hèje t volgende neudeg;
5 aaier, 75 gram bitterkoekies, 75 gram theebiskwietjes (sosjoaltjes)*, 7 twijbakken, 75 gram krinten en rezienen (haalf/haalf), 75 gram suker, 80 gram botter, 1 dL. Melk en 1 dL. Marasquin.
Je goan din as volgt aan loop. Snie bitterkoekies in leutje stukkies. Moal twijbakken en theekoekies fien in n meurzer (mortier). Schaaidt 5 aaierdolen van t aaiwit en dou de dolen in n schuddel. Meng d’aaierdolen mit suker en dou de sneden bitterkoekies, vergroesde twijbakken en theebiskwietjes, de veurof goud wossen krinten en rezienen, smolten botter, melk en de marasquin derbie tou. Kwengel t spul mit n holten lepel goud deur nkaander . Dek schuddel mit inhold goud of en loat t n beste zet (n poar uur) in de waik stoan. Neem hierveur dus rusteg de tied, n uur te laank kin gain kwoad en je huiven as je zukswat koken ducht mie ook nait op tied veur traain op statsion te wezen. As t din aan tied is, om t aalmoal kloar te moaken veur de kook. Goan we eerst aan loop mit t slim stief kloppen van d’ aaiwitten. Zukswat nemt veul kracht en tied. Je hebben hierveur n slagkomme neudeg dij hailemoal vrij van vetterij wezen mout. Ik streu der veurtied aaltied wat zolt bie, omreden dat n goie invloud op t rizzeltoat van t omhoog kloppen van aaiwit het. As dit doan is, din ruiern we t aalmoal luchteg deur de puddingmassa. Nou gaait d' haile brud in n ofsloetboare tulbandvörm. Ik bruuk hierveur n povverd-vörm dij k veurtied van binnen bebotterd en aansloetend mit paneermeel bestreud heb en dat inclusief binnenkaande van deksel. Povverd-panne wordt nou tou drijkwart vuld, omreden e tiedens t kookperces roemte neudeg het om uut te dijen. Zörg veur n roeme panne mit kokend hait wotter. Dou de povverd- vörm mit inhold der votdoalek in. Men nuimt zukswat ook wel au Bain Marie. t Kokende wotter mout wel onder de sloeten van povverd-vörm blieven, want as e tiedens de kook lekt , nemt pudding wotter op en zakt e in n kaander. Nou mout je der zörg veur droagen dat wotter zachies (tegen de 90 groaden) veur zuk uutkookt en vul t verdampte vocht of en tou aan mit nij kokend hait wotter. Grunopudding het veur t goar worden om en bie anderhaalf uur neudeg. Stört de pudding bie t opdoun op n veurverwaarmd bord, noa hom wel eerst even zunder deksel indreugen te loaten in n open oven. De pudding trekt din wat van de wand lös en loat zuk din makkeleker keren.
Bie t opdainen kinnen je der ook nog waarme Orgeoadesaus bie doun.
Doar hèje as boases de volgende ingrediënten veur neudeg.: ain pakkie amandelspijs, 2 aaierdolen, 25 gram suker, 5 gram maïzenoa, n kwart liter melk en n kwart liter room.
Ruier de aaierdolen mit suker deur nkaander, verkrummel amandelspijs hail fien en dou dat der din bie tou. Dou Maïzenoa der bie, ruier de kloetjes slicht en gait doarbie, hail trankiel en onder goud ruiern, de kokende melk en room derbie. Loat de saus nou nog even n zetje veur t indikken wat aan de kook.
*n Aander woord veur sosjoaltjes is ook wel meelkoekies, dat waren doudestieds biscuitjes van koekfabriek Het Anker, van Branbergen uut Muzzelknoal. T wuir dou verkocht onder de maarknoam "Bruintje Beer"*. In Vrouger doagen stipte d'aarbaiderklasse dat maist aal in n kop thee of kovvie, want dreug bakte dat ja zo aan de beune (gehemelte). Meschain is t aan tied om `Bruintje Beer´ as onvervaalst streekproduct vannijs weer in productie te nemen. t Zol ook goud wezen veur t imago van Muzzelknoal en omstreken. Nog evenpies n tip: Meelkoekies mout je aaltied goud in n trom dreug bewoaren, want ze willen nogal gaauw slof worden.
5 aaier, 75 gram bitterkoekies, 75 gram theebiskwietjes (sosjoaltjes)*, 7 twijbakken, 75 gram krinten en rezienen (haalf/haalf), 75 gram suker, 80 gram botter, 1 dL. Melk en 1 dL. Marasquin.
Je goan din as volgt aan loop. Snie bitterkoekies in leutje stukkies. Moal twijbakken en theekoekies fien in n meurzer (mortier). Schaaidt 5 aaierdolen van t aaiwit en dou de dolen in n schuddel. Meng d’aaierdolen mit suker en dou de sneden bitterkoekies, vergroesde twijbakken en theebiskwietjes, de veurof goud wossen krinten en rezienen, smolten botter, melk en de marasquin derbie tou. Kwengel t spul mit n holten lepel goud deur nkaander . Dek schuddel mit inhold goud of en loat t n beste zet (n poar uur) in de waik stoan. Neem hierveur dus rusteg de tied, n uur te laank kin gain kwoad en je huiven as je zukswat koken ducht mie ook nait op tied veur traain op statsion te wezen. As t din aan tied is, om t aalmoal kloar te moaken veur de kook. Goan we eerst aan loop mit t slim stief kloppen van d’ aaiwitten. Zukswat nemt veul kracht en tied. Je hebben hierveur n slagkomme neudeg dij hailemoal vrij van vetterij wezen mout. Ik streu der veurtied aaltied wat zolt bie, omreden dat n goie invloud op t rizzeltoat van t omhoog kloppen van aaiwit het. As dit doan is, din ruiern we t aalmoal luchteg deur de puddingmassa. Nou gaait d' haile brud in n ofsloetboare tulbandvörm. Ik bruuk hierveur n povverd-vörm dij k veurtied van binnen bebotterd en aansloetend mit paneermeel bestreud heb en dat inclusief binnenkaande van deksel. Povverd-panne wordt nou tou drijkwart vuld, omreden e tiedens t kookperces roemte neudeg het om uut te dijen. Zörg veur n roeme panne mit kokend hait wotter. Dou de povverd- vörm mit inhold der votdoalek in. Men nuimt zukswat ook wel au Bain Marie. t Kokende wotter mout wel onder de sloeten van povverd-vörm blieven, want as e tiedens de kook lekt , nemt pudding wotter op en zakt e in n kaander. Nou mout je der zörg veur droagen dat wotter zachies (tegen de 90 groaden) veur zuk uutkookt en vul t verdampte vocht of en tou aan mit nij kokend hait wotter. Grunopudding het veur t goar worden om en bie anderhaalf uur neudeg. Stört de pudding bie t opdoun op n veurverwaarmd bord, noa hom wel eerst even zunder deksel indreugen te loaten in n open oven. De pudding trekt din wat van de wand lös en loat zuk din makkeleker keren.
Bie t opdainen kinnen je der ook nog waarme Orgeoadesaus bie doun.
Doar hèje as boases de volgende ingrediënten veur neudeg.: ain pakkie amandelspijs, 2 aaierdolen, 25 gram suker, 5 gram maïzenoa, n kwart liter melk en n kwart liter room.
Ruier de aaierdolen mit suker deur nkaander, verkrummel amandelspijs hail fien en dou dat der din bie tou. Dou Maïzenoa der bie, ruier de kloetjes slicht en gait doarbie, hail trankiel en onder goud ruiern, de kokende melk en room derbie. Loat de saus nou nog even n zetje veur t indikken wat aan de kook.
*n Aander woord veur sosjoaltjes is ook wel meelkoekies, dat waren doudestieds biscuitjes van koekfabriek Het Anker, van Branbergen uut Muzzelknoal. T wuir dou verkocht onder de maarknoam "Bruintje Beer"*. In Vrouger doagen stipte d'aarbaiderklasse dat maist aal in n kop thee of kovvie, want dreug bakte dat ja zo aan de beune (gehemelte). Meschain is t aan tied om `Bruintje Beer´ as onvervaalst streekproduct vannijs weer in productie te nemen. t Zol ook goud wezen veur t imago van Muzzelknoal en omstreken. Nog evenpies n tip: Meelkoekies mout je aaltied goud in n trom dreug bewoaren, want ze willen nogal gaauw slof worden.
Die Bruintje-Beerkoekjes herinner ik me, bij mij thuis werden soortgelijke koekjes Mariakaakjesgenoemd. Voor ik het vergeet: een twijbak is een beschuit.
