Op zotterdag 17 meert wordt veur d’daarde moal de Dag van de Grunneger toal holden. D’organizoatsie is in handen van t Huis van de Groninger Cultuur, Stichting Grunneger Toal, Biblionet Groningen, Stichting t Grunneger Bouk en t Regionaal Historisch Centrum Groninger Archieven. De Dag vindt ploats in Meertmoand Dialectmoand. Tieden: van 11.00 tot 17.00 uur. Ploats: in t gebaauw van de Groninger Archieven aan Cascadeplein 4 in Stad!
Nij in t pergram is d’aandacht veur de jeugd. Olaf Vos geft mit de Bond tegen Harries en kinder d’òftrap in de Meziekkroug mit nije Grunneger kinderlaidjes.
Ook is der n optreden van de formoatsie Wat Aans! mit Grunneger rap.
Veur kinder is der n spultje in t kinderhörntje mit veurlezen, n spannende digitoale klunderloa en hier kinnen der gehaaimschriften van Fré Schreiber ontsieverd worden. Bie t inleveren van d’oplossen kriegen d’kinder n verrazzen.
Haile dag is der n keur aan aktiviteiten woarbie t Grunnegs in aal zien geuren en kleuren centroal staait. Ie kinnen Grunneger meziek heuren, flitslezens volgen, documentaires zain, Grunneger broeskurzuzzen volgen, luustern noar schrievers en dichters, mitdoun aan n quiz, veul Grunnegs proaten en ook veul nijs opdoun op de toalmaarkt. Kiek ook hier.
Haile dag is der n keur aan aktiviteiten woarbie t Grunnegs in aal zien geuren en kleuren centroal staait. Ie kinnen Grunneger meziek heuren, flitslezens volgen, documentaires zain, Grunneger broeskurzuzzen volgen, luustern noar schrievers en dichters, mitdoun aan n quiz, veul Grunnegs proaten en ook veul nijs opdoun op de toalmaarkt. Kiek ook hier.
